kashmir yatra ke baad Europe sangh ke doot ne kaha, ghati se pabandiya teji se hataye jaane ki jaroorat
ghati ki taja yatra ke baad Europeano ne shukrvaar ko kaha ki bharat ne jammu kashmir mein samany sthiti bahal karane ke liye sakaraatmak kadam uthaye hain, lekin pabandiyo ko jald se jald hataye jaane kee jaroorat hai. beete agast maheene mein jammu kashmir ko mile vishesh rajya ka darja khatm kar diya gaya tha. saath hee use do kendar shasit pradesh jammu kashmir aur laddakh mein baant diya gaya tha. bata den ki jammu-kashmir se vishesh rajya ka darja vaapas liye jaane ke chha mahine baad kendra shasit pradesh kee sthiti ka mauke par jaakar aakalan karane ke uddeshy se europeano ke rajnayik sahit 25 videshi rajnayiko ka pratinidhimandal budhvaar ko ghati pahuncha tha. rajnayiko ke is daure ka aayojan kendra sarkar kee taraf se kiya gaya tha. isse pahale January mein 15 videshi rajnayiko ka ek dal jammu-kashmir gaya tha aur sthiti ka aakalan kiya tha. is dal mein americi rajdoot kenneth i jastur bhi shamil the.
Europey Union ki taraf se shukrvaar ko jari bayaan mein kaha gaya, bharat sarkar ne sthiti ko samany banane ke liye kayi sakaraatmak kadam uthaye gaye hain. lekin intranet access aur mobile sevao par abhi bhi pabandi hai... saath-saath kuchh rajitik neta abhi bhi hirasat mein hain. Europe sangh ke videsh mamalo aur suraksha niti ke pravakta varjini batto henriksan ke bayaan ke anusaar, halanki ham gambhir suraksha chintao ko samajhate hain, to yah mahatvapoorn hai ki shesh pratibandho ko teji se hataaya jaye.
videshi rajnayiko ke dauro par pratikriya dete huye p.d.p adhyaksh mahbooba mufti k I beti iltija mufti ne kaha ki unhe ummeed hai ki videshi raajnayik adhikaariyon se intranet par pratibandh aur lok suraksha adhiniyam ke tahat raajnetao ke hiraasat ke baare mein savaal karenge. iltija ne tweet kiya, ummeed hai ki paanch agust se intranet par pratibandh yevam aarthik ghaati ke baare mein aap sab (videshi raajnayik) bharat sarkaar se savaal karenge
Post a Comment