maharashtra ke nasik mein teen logon ne petrol chidak kar mahila ko aag lagayi, jane puri khabar
maharashtra ke nasik jile mein laasalgao bus stand par shanivaar ko 3 agyaat logo ne 35 varshiy mahila ko kathit roop se aag laga di. police ne yah jaankari di. unhonne kaha ki ghatna shaam kareeb 5 baje huyi jab 3 logo ne mahila par petrol chhidak kar aag laga di aur bhaag gaye. is ghatana mein vidhva mahila 50 pratishat tak jal gayi. kuchh rahagiro aur police ne mahila ko hospital pahunchaya. unhonne kaha ki ghatna ke pichhe ka karan pata nahi chal paya hai.
police aaropiyo ke baare mein jaankaari jutaane aur unki pahchaan ke liye pidita ka bayaan darj kar rahi hai. isase pahale haal hi me raajya ke vardha jile mein 25 varshiy college lecturer ko bhi aag lagane ki ghatna saamne aayi thi, jisane saat din tak jindagi ki jang ladne ke baad 10 fabruary ko nagpur me ilaaj ke dauran dam tod diya tha
Post a Comment