Delhi chunav mein bjp ki haar ke baad bole amit shah- goli maro aur bharat-pak match jaise bayaan nahi dene chaahie the
delhi vidhan sabha chunav mein mili karari shikast ke baad grah mantri amit shah (amit shah) ne kaha ki goli maro aur bharat-pak match jaise bayano ne bjp netao ko bachna chahiye tha. unhone kaha ki party is tarah ke bayano se khud ko alag rakhti hai. News agency p.t.i ne amit shah ke havale se kaha, ho sakta hai party netao dvara diye gaye nafarat bhare bayano ke karan b.j.p ko chunavo mein nuksan uthana pada ho. amit shah ne kaha ki ham sirf haar ya jeet ke liye chunav nahi ladte hain. chunav bahut sare dalon ke liye sarkar banane aur sarkar girane ke liye hote hain. bhajpa ek vichar dhara par adharit party hai, hamare liye chunav hamari vichardhara ko badhane ka bhi chunav hota hai. sirf jay parajay ke liye ham chunav nahi ladte. unhonne kaha ki delhi chunav ko lekar mera aklan galat sabit hua.
bata de ki delhi mein chunav prachar ke dauraan kendriy mantri anurag thakur ne goli maro vala bayan diya tha, vahin, bharat-pakistan match vala bayan aam aadmi party se b.j.p mein shamil huye kapil mishra ka tha. maloom ho ki rithala se bjp ummeedvaar manish chaudhry ke samarthan mein ek jansabha mein anurag thakur ne chunvi raily mein aaye logon ko gaddaro ko goli marne vala bhadkau nara lagane ke liye uksaya tha. raily mein vity rajya mantri ne kaha desh ke gaddaro ko, jispar bhid ne kaha, goli maaro. is bayan ko lekar chunav aayog ne anurag thakur ko notice jari kar javab-talab bhi kiya tha.
vahin, model taun se b.j.p ummeedvar kapil mishra ne delhi chunav ki tulna bharat-pakistan ke cricket match se ki thi. unhonne tweet kiya tha ki aath fabruary ko delhi ke sadko par hindustan aur pakistan ka mukabla hoga. kapil mishra ke bayan par bhi chunav aayog ne unhe notice jari kiya tha aur unhe us tweet ko delet karane ka nirdesh diya tha. bata de ki delhi ki 70 vidhansabha sito mein aam aadmi party (aam aadmi party) ko 62 site mili hain. vahin, bhartiy janta party (bjp) sirf 8 sito par simatkar rah gayi. aam aadmi party ko 2015 ke mukabale mein 5 sito ka nuksan hua hai, vahin bhartiy janta party ko itni sito ka fayda hua hai
Post a Comment