trump ke bharat daore se pahale us sansado ne pampiyo ko likha khat, kashmir mein bharat dvaara uthaye kadmo ke honge gambhir parinam

trump ke bharat daore se pahale us sansado ne pampiyo ko likha khat, kashmir mein bharat dvaara uthaye kadmo ke honge gambhir parinam

americi rashtrapati donald trump ke is mahine ke ant mein bharat daore se pahale americi sinet ke chaar varishth saansado ne america ke videsh mantri maik pampiyo ko khat likh kar kashmir mein pichale chhah mahine se jyaada samay se internet ban ko lekar chinta jaahir ki hai. jammu-kashmir se anuchchhed 370 hataye jaane ke baad jammu-kashmir mein internet ban kar diya gaya tha. iske saath hi is khat mein hirasat mein rakhe gaye raaj netao ka bhi jikar kiya gaya hai. apne khat mein saansado ne nagrikta sanshodhan kanoon aur CAA ka bhee jikr kiya hai, jisako lekar desh ke kayi hisson mein pradarshan ho rahe hain. pichhale saptaah jammu-kashmir ke poorv mukhya mantri umar abdulla aur mahabooba muphti ke hirasat avadhi badhaane ke liye unake khilaf public sefti act lagaya tha.

do democreats aur do republican sinetaro ki vor se likhe gaye khat mein kaha gaya hai ki bharat sarkar kashmir mein lagatar internet par ban lagaye huye hai. bharat ne kisi loktantra ki vor se ab tak sabse jyada lambe samay tak internet par ban lagaya hai. isse chikitsa dekhbhal, vyavasay aur shiksha mein 7 million logon ko pareshani aa rahi hai. pampiyo ko likhe gaye khat mein kaha gaya hai ki bade raajnetao sahit saikado kashmiriyo ko yehatiyatan hirasat mein rakha gaya hai. saath hi kaha hai ki in kadmo ka gambhir parinaam hoga.

patr likhane vaale chaar sinetaro mein lindsey graham bhi hain jo trump ke bahut karibi mane jaate hain.  nagrikta sansodhan kanoon ka jikr karte huye khat mein likha gaya hai ki bharat sarkar ne kuchh aise kadam bhi uthage hain, jo kuch dharmik alpsankhyako ke adhikar aur desh ke dharm nirpekch charitr ko khatare mein dalate hain. bata den, americi rashtrpati donald trump pradhanmantri narendra modi ke aamantran par 24-25 february ke do divasy bharat daore par honge. americi rashtrapati gujraat ke ahamdabad bhi jayenge aur vahaan ek stedium mein pm modi ke saath jansabha ko sambodhit karenge. pm modi ne budhvaar ko apane tweet mein kaha ki americi rashtrapati donald trump ki bharat yatra vishesh hai tatha yah bharat..america maitree ko aur majaboot banaane ki disha mein aham kadam saabit hoge.

vahi, white hous dvara trump ki bharat yatra ki tarikhon ki ghoshna ki ek din baad rashtrapati ne apane oval kaaryalay mein samvaddatao se kaha, ‘vah (modi) bahut bhadr purush hain aur main bharat jaane ko utsuk hoon. ham is maah ke ant mein jayenge. trump ne ek prashn ke uttar mein sanket diye ki vah bharat ke saath vyapaar samajhaote par hastakshar karane ke ichchuk hain. unhonne kaha,‘‘ ve (bharatiy) kuchh karna chahate hain aur ham dekhenge...agar ham koyi sahi samajhota kar sake to use karenge. dono desh matbhedo ka samadhan karane aur vyapar ko badhava dene ke liye ek vyapar samajhaote par charcha kar rahe hain. New delhi mein ek adhikari ne kaha ki rashtrapati trump ki yatra se pahale bharat aur america prastavit vyapar samjhaote ko lekar gahan vimarsh kar rahe hain. adhikari ne halanki kaha ki ab tak yah saaf nahi hai ki trump ki yatra ke daoraan samjhaote par hastkshar honge ya nahi pichhale kuchh saptaho mein vanijy mantri piyush goyal aur americi vyapar pratinidhi robart lighthizer ke bich telephone par kayi daor ki baat ho chuki hai.

pradhan mantri modi ne apne tweet mein kaha, ‘bharat aur america ke majboot sambandh na keval hamaare nagariko ke liye, balki poore vishv ke liye behatar honge. pm modi ne kaha ki bharat aur america loktantr tatha bahultavaad ke prati sajhe pratibaddhata rakhate hain aur dono desh vyaapak muddon par karibi sahayog kar rahe hain. pradhan mantri ne kaha, ‘americi rashtrapati donald trump ki bharat yatra vishesh hai tatha yah bharat..america maitree ko aur majboot banane ki disha mein aham kadam saabit hoge.