up police ne dr. kafeel par lagaaya nsa to owaisi ne bola kuch yesa
All india majlis-e-ittehadul muslimin ke pramukh Asaduddin Owaisi ne dr. kafeel par rasuka lagaye jaane ko lekar u.p sarkar par nishaana saadha hai. unhonne kaha ki rashtriya suraksha ke liye ek dr. nahi, balki thok denge jaise bayaan dene vaale asaliyat mein rashtriya suraksha ke liye khatara hai. Owaisi ne tweet karte huye likha hai, uttar pradesh mein daliton, muslimo aur virodhiyo ke khilaf yogi sarkaar lagataar rasuka ka istemaal kar rahee hai. rashtriya suraksha ke liye ek dr. khatara nahin hai. ek mukhya mantri jo thok denge aur boli nahi to goli jaise bayan deta hai, vah pakka rashtriya suraksha ke liye khatra hai.
bata de, sanshodhit nagrikta kaanoon (caa) ke khilaf aligarh muslim vishva vidhyalay mein kathit taur par bhadkau bhaashan dene ke silsile mein mathura jila karagar mein kaid dr. kafeel khan kee jamaanat par shukrvaar ko rihayi se pahale hi un par rashtriya suraksha kaanoon (rasuka) laga diya gaya hai.
up special task force (s.t.f) ne khan ko mumbai havayiadda se 29 January ko giraftar kiya tha. shukrvaar ko mathura ke jila karagaar se riha kiye jaane se pahale un par rasuka laga diya gaya. is tarah, 10 fabruary ko aligarh ke mukhy nyaayik majistret dvaara unhe jamaanat par riha kiye jaane ke liye diye gaye aadesh par amal ki ummeed samapt ho gayi
jail adikshak shailendra kumar maitre ne bataaya tha, ‘dr. kafeel khan, putra shakeel khaan ki rihayi ka aadesh guruvaar der shaam mila tha. isaliye unaki rihayi aaj (shukravaar) subah kee jaani thee. lekin isase pahale hi rajya sarkaar dvaara unake khilaaf rasuka lagaye jaane ki jaankaari mili, jisake anusaar unhe riha karana sambhav nahi tha. isaliye rihayi ki karyavaahi taal di gayi unhonne ek savaal ke javaab mein bataaya, ‘‘rasuka ke tahat dr. kafeel ko agale ek saal tak jail mein hi nirudh rakha ja sakta hai.
vahi, dr. kafeel ke bhai adeel ahamad khan ne bataya, ‘...jis tarah se rihayi mein der ki ja rahi thi, usase hame pahale se hi aashanka ho gayi thi ki raajya sarkaar un par rasuka ki karyavaahi kar sakti hai.
unhonne bataya, (mathura) jail shukravaar subah 6 baje riha karane vaala tha. mere bhai kasheef vakil ke saath jail pahunche lekin subah 9 baje tak jail mein police ki maujudagi badha di gayi aur hame jail adhikaariyo ne maukhik roop se kaha ki un par (kafeel par) rasuka lag gaya hai. unhonne kaha, ‘yah karyavahi gairkanooni hai. ham uchch high court jayenge, jahaa is aadesh ko nirast kar diya jayega.
A.m.U mein caa virodhi ek pradarshan ke dauraan pichhale saal 12 december ko kathit taur par bhadkau bhashan dene ke silsile mein do kafeel ke khilaaf aligarh ke civil line's thaane mein maamla darj kiya gaya tha. doctor kafeel khan ko agust 2017 mein gorakhapur medical college mein kathit roop se okseejan kee kamee kee vajah se huee 60 se jyaada bachcho ki maut ke maamle mein giraftaar kiya gaya tha. karib 2 saal ke baad jaanch mein khan ko sabhi pramukh aaropo se bari kar diya gaya tha.
Post a Comment